માતૃભાષા દિન નિમિત્તે મારી સ્વ રચિત કૃતિ - 'મને ગમતી મારી માતૃભાષા'

  *મને ગમતી મારી માતૃભાષા*

મને ગમતી અમારી માતૃભાષા ગુજરાતી,

હું બોલતા શીખેલી માતૃભાષા ગુજરાતી.

જન્મભૂમિની *ભૂ* માં બોલાય એ જ સાચી,

જન્મ દેનારી મા સમાન માતૃભાષા ગુજરાતી.

મા ની નાભીમાં બોલાય માતૃભાષા ગુજરાતી,

હું કાલી ઘેલી મીઠી બોલું માતૃભાષા ગુજરાતી,

વતનને વ્હાલ કરવા બોલાય પ્રાદેશિક ભાષા,

સ્વપ્નાંની ભાષા હોય એ માતૃભાષા ગુજરાતી.

મારી આગવી ઓળખ માતૃભાષા ગુજરાતી,

મારા વડિલોની બોલી માતૃભાષા ગુજરાતી,

દેશ-વિદેશમાં ગૌરવ અપાવે મારી લોકબોલી,

મારા ભણતરમાં ભણાય માતૃભાષા ગુજરાતી.

ગુજ્જુમાં બોલાય એ જ માતૃભાષા ગુજરાતી,

આંખો લહેકાથી બોલે માતૃભાષા ગુજરાતી,

માન-પાનને બહુમાન અપાવતી મારી ભાષા ગુજરાતી,

વિવિધતામાં એક્તા વાળી મારી માતૃભાષા ગુજરાતી.

- નયના જગદીશકુમાર સોલંકી

- (આંખો)

- સુરત.